Martha Gichuki
1. Wega ũyũ wa Maria ngawĩka atĩa,
Mũirĩtu wamũrirwo nĩ Ngai,
Aciare mũhonokia wa irĩndĩ ciathĩ-ĩĩ,
Maria–ĩĩ, ũrokomio nĩ thĩ yothe
2. Ngawĩkĩra gĩcicio ndĩwonage
Ndikanariganĩrwo nĩ ũrĩa ekire
Ndũrage o ngĩmũririkanaga ĩĩ
Ndũrage ndĩmũcũngage muhera
3. Wĩ mũkumie kũuri atumia othe ĩĩ
Na Yesu ĩĩ ũciari wa nda yaku
Nake arokumio gũkũ thĩ ĩno na igũrũ
Tondũ nĩwe wagĩtũhonokirie
Ũrwendekana, ũrotĩagwo
Ũromenyagwo, nĩ irĩndĩ
Tondũ nĩwaciciarĩire Mũkũũri
Aaĩĩ, Mũkũũri we nĩ okire,
Agĩtũkũra mehia-inĩ tũgathiĩ igũrũ,
Kũngũ Maitũ Maria, kũngũ Ngatha ya Igũrũ (x2)
Kũngũ Ngatha ya Araika, na Ngatha ya Atheru othe (x2)
Maitũ Maria Nyina wa Mũhonokia
Tũthaithanĩre kwĩ Mwana waku Yesu
Nitũkumie Maria mũtũthaithanĩrĩri (x2)
Maitũ maria nyina wa mũhonokia
Tũthaithanĩre kwĩ Mwana waku Yesu
Kĩrĩndĩ kumiai rĩtwa rĩa Maria, tamugĩrei ngemi (x2)
Anĩrĩrai rĩtwa rĩu rĩake rĩhunje na mbarĩ ciothe
Tũkumie Maria na mũgambo mũnene ma;
Iyĩ-aĩ ũiya, Maitũ mũtana Nyina wa igũrũ na thĩ;
Nĩakianĩrĩrwo na guothe.
Want to get the Mitha Mugikuyu book? Click here to buy.
