Mwathani akinyia gugwita
Wee ugakorwo uhana atia
Hihi ugakorwo wendetie ngoro
Kuri caitani muhurunji. Gukua!
Gukua no muhaka tugakua
Tutingihota kwiyeheria
No kiuria kinene ni giki
Ukahobanirio uhana atia?
Umuthi nirio Ngai arenda
Uthambie ngoro yaku aingire
Na ndukoige weterere ruciu
Mutiri kiriko nake. Gukua!
Wee nioigire okaga ta muici
Riria mundu ateharirie
Nikio ngukwira uigage
Tawa wa ngoro yaku uri mwakanu. Gukua!
Miaka yaku ni mitare
O muthi ikereka ria ruhia
Hihi we ugakereka ria muico
Ngoro itanyitanite na Ngai? Gukua
Gukena ni mundu uria wothe
Wahikiire Ngai guku thi
Ni ta kuuga kwihoka Mwathani
Ti kindu, kundu kana mundu. Gukua!
Kanitha ni utheri waheirwo
Ukuonie njira ya matuini
Uui! Wee nawee ukimihutatire
Wahitia kugwa irima ngorio! Gukua
