Arata aitu ukai twamukire
1. Arata aitu ukai twamukire
Yesu witu mumuinukie mucii.
Wamukua na gikeno kiingi,
Nake Yesu niagukurathima.
2. Twamukire Yesu,twamukire
Niguo atuhe hinya muingi muno.
Wa kuhurana na caitani hindi ciothe,
Kuri thina na kana gwi gikeno.
3. Twamukire kanini na kanene.
Na kanene, kaihwa na gacukuru.
Yesu witu ndathuraga ngoro
No ngoro iyo ikorirwo na mehia.
4. Yesu aikaraga ngoro-ini ciitu.
Hindi ciothe muthenya na utuku.
Wimenyerere ndukamucambithie.
Hindi yaku ya gukua ukegwatia ki?
5. Wi kanitha ngoro ini ya Ngai.
Na wainuka ngoro ni ya caitani.
Umenye ati ti mundu urahenia.
No ni Ngai uria ugaagucirithia.
6. Yesu witu tuoehere mawihia maitu
Turathime na guoko gwaku kwa urio.
Niguo tukene na tugukumagie,
Hingo ciothe nginya iminiro-ini